Osloguiden, del tre.

som de kanskje veit har eg tidligare skrive om kaféar/restaurantar og fine stadar å bruke opp pengane sine! denne gongen blir det stadar å ta med vennar for brettspelkveld, dansing og/eller øl/drinks. kom veldig gjerne med fleire tips i denne kategorien, då eg med mine 21 år har ein smule begrensa erfaring..

ad-kjærleik.

HENGE / DRIKKE ØL / DANSE:

Himkok – storgata 27.
himkok er som ei heilt eiga lita verd, godt gøymt midt i storgata. destilleri og cocktailbar med spennande drinkar på tap og eigen ciderbar i bakgården! sjukt bra stad, må opplevast. (25+ i helga.)

Colonel Mustard – darres gate 2.
har masse brettspel og god mat, kva meir trenger ein? 

Kulturhuset – youngstorget 3.
kulturhuset har plass til alt frå shuffleboard til konsertar og ein rolig øl/kaffi i eit hjørne. legger dessverre ned i slutten av året. (23+, i teorien.) 

Oslo mekaniske verksted – tøyenbekken 34.
ein av mine aller nyaste favorittar! her er det skikkelig fint å ta med ein gjeng for å spele brettspel og drikke øl/kaffi. har ikkje mat, men det ligger takeaway-menyar ved disken sånn at ein kan bestille mat og hente dit. pluss for sjukt fine lokaler og heimekoselig innreiing. (23+, men berre typ seint fredag/laurdag.)

 

oslomek.

Torggata botaniske – torggata 17 B.
tropisk stemning og masse bra drinks! (20+?)

Dattera til hagen – grønland 10.
bar/klubb/kafé med kanskje den mest fargeglade bakgården i heile oslo! aller best i sommarhalvåret. (20+)

Café sara – hausmanns gate 29.
her fins det mangoøl og kjøken som er ope til kvart på tre!!! på natta. fin stad å henge lenge. (20+)

Crowbar – torggata 32.
bra øl, bra stemning! har kebab i øverste etasje, ping pong-bord og fin innreiing. (20+)

crowbar.

Blå – brenneriveien 9.
løkkas alternative musikkscene med masse bra og masse rart. har óg ei superfin uteservering langs akerselva som eg angrar masse på at eg ikkje har utnytta i sommar. (20+)

Ingensteds – brenneriveien 9.
vegg i vegg med blå! har klubbkveldar og er ein veldig bra stad å danse. sjukt fine lokalar og evig høgt under taket. (20+)

Fisk & vilt – pløens gate 4.
fisk & vilt er ein av dei stadane ein alltid endar opp ein ikkje har andre planar. arrangerar blandt anna seksuell, og dansegolvet er som oftast ganske svett. ingen stad å gå for å slappe av og prate. (20+)

Jaeger – grensen 9.
tre etasjer med klubbkonsept! har uteservering med gyngebenkar for dei som trenger ei dansepause. (23+)

Gudruns – karl johans gate 33b.
for dei som likar å dra ut i sentrum-sentrum. ligger rett inn til høgre for kondomeriet, og ein gong for nokre år sidan var det ganske hemmelig. har bokhyller og bakgård med eigen bar + live musikk om ein er heldig. (20+)

Sentrum scene / rockefeller / john dee – youngstorget.
store delar av oslos konsertar skjer her! sjekk nettsidene for kommande arrangement. (Frå 18+)

august.

14.10.15
5 tips og triks
_

Osloguiden, del to.

oslo.HANDLE:

Granit – thorvald meyers gate 63.
oppbevaring og innreiing! blomsterpotter i betong, boksar i hundre ulike storleikar, lyslenker med store lyspærer og mykje bra til kjøkenet.

Eske interiør – sofies gate 16. 
så sjukt mykje vakkert til heimen! ei prisklasse over det gjennomsnittlige studentbudsjettet, men det er lov å drøyme. har óg eit fint lite utval kunstbøker og magasin. 

Robot – korsgata 22.
kler++! store mengder solbriller og avklipte dongerishorts.

Velouria vintage – thorvald meyers gate 34.
vintage kler frå 60, 70 og 80-talet! litt dyrt, men bra utval og veldig mykje fint. pluss for at kleda alltid luktar nyvaska, hehe.

oslosommar.Fransk bazar – grüners gate 5.
fransk vintage interiørbutikk! litt for dyrt, men ein fin plass å kike og drøyme litt.

Maritabutikken – markveien 67.
akkurat slik ein altmulig-bruktbutikk skal vere! ein kjeller med møblar, eit lite bokhjørne og hyller på hyller med koppar og kar. generelt ein perfekt butikk å leike skattejakt i.

Birkelundenmarknaden – birkelunden.
kvar søndag er det marknad på birkelunden! der fins gamle kamera, syklar, møblar og vinylplater om kvarandre – alt i alt ein bra søndagsaktivitet. i sommarhalvåret er der folk frå morgon til kveld.

Søndagsmarked på Blå – brenneriveien 9.
litt samme greia, berre at her sel folk for det meste ting dei har laga sjølve. er som oftast eit vaffel- og kaffistand å finne óg! 

oslo.Frøken dianas salonger markveien 56.
løkkas kjolehimmel. dyrt, men verdt det. har ein paljettdraum derfrå som eg stadig leitar etter anledningar til å bruke.

Tidsrommet
rathkes gate 7.
vintagebutikk med møblar og andre ting til heimen – det meste er nøye utplukka og av veldig bra kvalitet.

Antikkvarehuset
sannergata 3.
sjukt masse møblar! inngong frå ein garasjeport, litt vanskelig å finne. ei heil etasje full av alt mulig gammal og fint. 

UFF jernbanetorget/UFF underground –
jernbanetorget 2/storgata 1.
vintage- og bruktbutikk med sååå mykje forskjellige greier! avdeling jernbanetorget har to etasjer der underetasja har masse tilbodsstativ, avdeling storgata har litt meir utplukka greier. den billigaste vintagebutikken i oslo + den med størst skattejaktfaktor!

oslo.Norway designs – stortingsgata 28.
ein av mine absolutt favorittbutikkar i oslo! har altfor mykje fine designgreier, og i tillegg ei eiga papiravdeling = himmelen for dei som likar sånt noko. berre sjekk det ut!

Lush Dive – thorvald meyers gate 19.
penn og papir! har sjukt fine skrivebøker, fancy pennar og blyantar + andre ting det er lett å innbille seg at ein trenger.

Aker foto – stortorvet 10.
min faste fotobutikk i oslo! her kjøper eg kjemi og film og fremkaller fargefilmen min. kostar 79 kr/filmen(døgn) for kun fremkalling, noko som såvidt eg veit er oslos billigaste. har bra utval i film og ein heil masse fine fotobøker å kike i.

aker.Kunstnernes eget materialutsalg(KEM) – brenneriveien 9b.
har alt mulig innan kunstutstyr! sjukt gøy å berre gå og kike og tenke på alt ein kan lage.

Gutta på haugen – ullevålsveien 45.
tre ord: sjukt digg mat! delikatessebutikk med alt bra ein trenger. inkludert softis.

Mathallen – maridalsveien 17.
her fins ei heil samling spesialbutikkar, kafear og etestadar! fint å gå rundt og kike, leite etter smaksprøvar på ost og pølser og makronar, for å så setje seg ned og ete lunsj på ein av dei små restaurantane. ope på søndagar! ps: hugs å gå innom issjappa rett over vegen for uteserveringa!

mathallen.

Tanum paleet – karl johans gate 37.
har eit stort hjørne med kunstbøker og sjukt mykje skrivebøker! fin stad å handle inn til skulestart for eksempel(har óg ein del pensumbøker).

Eldorado – torggata 9a.
gammal teaterscene som i 2013  blei opna som nordens største bokhandel! har alle bøkene ein trenger, pluss litt til. 

Godteslottet – pilestredet 56.
godterikiosk med sinnsjukt stort utval! pluss for okei pris og ope til 22:00, til og med på godterisvoltne søndagskveldar.

Plantasjen storo – vitaminveien 11.
plantehimmelen!!! berre derfor.

Stortorvet blomster – stortorvet.
dra hit for å kjøpe blomar! eller brukte terracottapotter. eller berre henge litt rundt blandt blomar midt i byen. 

stortorvet.

12.08.15
4 tips og triks
_

Osloguiden, del éin.

Har budd i oslo i nøyaktig to år no, og tenkte det var fint å samle alle dei stadane eg likar litt ekstra godt på éin plass! Her er difor del éin av min vesle osloguide. Vi begynner med kafear og restaurantar! Sei veldig gjerne frå i kommentarfeltet om de har andre fine oslo-tips som burde vere med på lista!

pølser.

KAFÉ / ETE:

Chillout travel centre
 – markveien 55.
reisebutikk/kafé! har serr ALT du trenger om du skal reise nokon stad som helst. frå store backpackersekkar til guidebøker og hengekøyer. men likevel, det aller beste, sjukt gode sjokolade- og chilibollar til 29 kr. <3 (ps, ein stad i kafeen ligger ei skinninnbunden notatbok der besøkande har skrive ned sine reisetips! der er blandt anna nokre sider tips frå interrailturen min i fjor!)

Godt brød – thorvald meyers gate 49. (fins óg på bislett, veit eg.)
SÅ masse bra bakverk! fokus på kortreist og økologisk mat, masse sitteplass og bakgård! fin stad å sitte og jobbe og/eller ete lunsj. litt dyrt, men verdt det.  

Liebling – øvrefoss 4.
ein av dei første kafeane eg begynte å henge på då eg flytta til oslo! her jobba eg med opptaksprøvane til westerdals og hadde kaffidates med potensielle vennar dei første nervøse månadane. liebling har ein liten butikk med masse rart og fint, bra lunsj og sjokolade til kaffien!

oslosommar.

Åpent bakeri – fins litt overalt.
masse bra bakevarer, rett og slett! + god kaffi.

Bare jazz – grensen 8.
skal ikkje påstå at eg har peiling på jazz, men stemninga på bare jazz er alltid så avslappa og fin, og tonane så behagelige. pluss for så fin bakgard midt i sentrum! (her drikker eg iskaffi eller øl mens eg ventar på timesfremkalling av film, hehe.)

Kaffefuglen – universitetsgata 2.
så god kaffi! skikkelige koselige lokaler med utsikt mot den travle gata. har høyrt at alt det fine interiøret kan kjøpast, óg! 

Ryes
– thorvald meyers gate 59.
har den ultimate english breakfasten! og club sandwich, då. amerikanskinspirert diner, bar på kvelden.

Crepêrie de mari – torggata 9 og thorvald meyersgate 63-67.
crêpes! med nutella!!! (evnt. noko litt sunnare.)

oslo.

Kolonihagen – korsgata 25.
økologisk kafé/bakeri på dagtid og restaurant på kveldstid! sjukt god mat, pluss for innreiing som får meg til å lengte heim til bygda. meny basert på råvarer i sesong.

Villa paradiso – olaf ryes plass 8.
pizza!!! skikkelig italiensk med tynn botn og bra topping-utval.

Yaya’s – øvre vollgate 13(har òg andre avdelingar).
thailandsk mat blandt palmeblad og bambusinnreiing! er som ei heilt eiga lita verd, sjukt koselig.

Illegal burger – møllergata 23.
oslos BESTE burger! og i tillegg sjukt bra potetbåtar ved sidan av. serr, dra hit. lite og rart lokale, men kort ventetid på maten og veldig ok pris.

Munchies – thorvald meyers gate 50 og bernt ankers gate 8.
og oslos nest beste burger(såvidt eg veit)! kjapt og enkelt og digg. likar aller best den med bluecheese og karamelisert løk. <3 ope til 03:00 på fredag/lørdag!

oslovår

Delikatessen – søndregate 8.
småfancy tapasrestaurant. veldig mykje bra mat, men nesten alltid fullt, så kom i god tid.

Lille saigon 1 – seilduksgata 17.
skikkelig bra vietnamesisk!

Døgnvill bar og burger – maridalsveien 13h.
god burger, bedre sjokoladeshake!

Eldhuset – olaf ryes plass 9.
southern barbeque med ein heil masse anbefalt øl til. her smakar alt skikkelig masse. tilbehør: gå for søtpotetfries!

El camino – behrens gate 8.
burrito!!! funkar på samme måte som subway: du velger kva du vil ha på og dei lagar den for deg. skikkelig skikkelig godt, fint som takeaway.

oslosommar.

2.08.15
5 tips og triks
_

Den vesle interrail-guiden.

cinque terre.

i fjor sommar var eg jo, saman med ei venninne, på interrail i europa i 15 dagar! på vegen noterte eg ned ein heil masse eg skulle ønske eg viste før eg reiste, så eg tenkte det var lurt å samle alt dette i eitt innlegg som input og inspirasjon til årets interrailsesong!

det aller mest vesentlge er vel i grunn: ikkje planlegg for mykje! det dreper spontaniteten, som er litt av sjarmen med å reise på interrail-måten. vi hadde ikkje bestilt overnatting før vi reiste, då vi berre hadde ei «sånn ca»-reiserute – men det gikk over all forventning! vi brukte mykje mindre tid enn frykta på å finne stadar å bu, sånt ordnar seg jo alltid. det meste vi betalte for éi natt(og dette var eit fint hotel) var typ 250 kr, noko som er ganske overkommelig om det er ei kriseløysning.

early mornings in foreign countries.

tog/reise:
– interrailbilletten kan kjøpast gjennom NSB! her fins litt å lese om det.
– fly til og frå – om ein er tidlig ute kan ein få superbillige billettar til dei fleste hovudstadar, og då slepp ein å bruke tid på å komme seg ut og inn av noreg med tog(interrailbilletten dekkar uansett ikkje reise i heimlandet ditt.)
– ikkje rekn med allverdas luksus på toget. ofte er det varmt, trangt og bråkete, og dei færraste av dei som jobbar der snakkar engelsk(i alle fall i østeuropa).
– reserver seter på førehand på nattog og high speed-tog(ice – vanlegast i tyskland, italia, frankrike), eller så risikerar du å måtte sove på stasjonen ei natt. dette gjelder mest sannsynlig enda fleire tog i høgsesongen, då er det sjukt fullt overalt.
– ver innstilt på å måtte vente. reising = venting.
– ver obs på at nokon gongar går samme toget til mange ulike stadar. då gjelder det å komme seg på rett vogn!
– på toga i østeuropa spesielt, er det eigne små kupear på seks seter. her kan seta trekkast ut og bli skikkelig bra soveplassar! skulle ønske vi fann ut av dette litt før.
– kom i god tid til togstasjonen, ein sjeldan gong går toget før det skal.
– lag deg eit slags «togprosjekt». vi skreiv reisedagbok der vi klipte og limte og teikna og skreiv, noko som var veldig gøy å halde på med både på toget og på rolige dagar på kafé – og ikkje minst i ettertid som eit minne!

on our way.

sikkerhet og overnatting:
– aldri, aldri, aldri la bagasjen din stå ubevokta.
– prøv å finne balansen mellom å vere hyggelig og opensinna og å ha ein sunn skepsis.
– som sagt, ikkje book alle hotell/hostel på førehand. då har ein null mulighet til å vere spontan, og det er noko av det finaste med å reise på denne måten.
– ha aldri alle pengane dine på samme stad, men fordel dei utover i bagasjen: ein del i lommeboka, litt i ein sokk, noko i eit tomt lypsyl-hylster for eksempel.
– hostel over hotell. billigare og hundre gongar meir sosialt! ein skal uansett ikkje gjer så mykje anna enn å sove når ein er på hostellet, og der er gjerne eit eige område der ein kan henge/ete frukost/koble seg til internett.
– bruk couchsurfing for alt det er verdt! få gratis overnatting og om ein er heldig – ein gratis guide med på kjøpet. men: sjekk nøye ut kva andre har skrive om brukaren før du kontaktar han eller henne! det fins mange som ikkje er så ærlige som dei burde vere, og kan finne på å utnytte uskyldige turistar. 

on our way.

alt anna:
– ikkje ta med kler/ting du er redd for å øydelegge/bli fråstelt.
– hugs masse mat og drikke(vatn) til toget.
– ikkje stol på verken bussjåførar eller folk på gata når det kjem til veibeskrivelsar. ofte skjønnar dei ikkje kva du spør etter og peikar vilt rundt seg berre for å kunne «hjelpe».
– last ned valutakalkulatorapp og den offisielle interrail-appen – begge funkar offline.
– gå! masse! slik blir ein best kjent med ein stad, og oppdagar små perler ein ikkje hadde funne om ein berre hadde tatt buss, trikk, bane overalt. pluss: ein sparar pengar på kollektiv transport-billettar.
– drikk nok vatn! seriøst, viktig. hugs òg å spørre om det er ok å drikke springvatnet – om ikkje, kjøp tolitersflasker for 10 kr.
– kjøp med mageregulerande tabelettar frå norge og ta dei forebyggande. sjukt kjipt å ha magetrøbbel på tur.
– ha armbandsur på armen og spar fem sekund på å leite etter telefonen.
– kjøp med kaffipulver, posesuppe eller liknande, varmt vatn er gratis på dei fleste kafear og tog.
– på mange hostel fins det bunkar på bunkar med gratis flyers og brosjyrer om andre europeiske byar/hostel – og mange av desse gir deg rabattar!
– ver spontane og ta i mot tips frå andre reisande på vegen. slik fann vi ut at vi skulle reise til kroatia, blandt anna.

on our way.

og til sist: ikkje stress. interrail er ein reisemåte basert på fridom til å gjer det du vil når du vil, med sjansen til å hive seg på eit tilfeldig tog i siste liten, eller ta det rolig og vente på neste. det skal berre vere gøy! (i fjor sommar skreiv eg óg ei interrail-pakkeliste om de hugsar!)

11.06.15
6 reise, tips og triks
_

Praha-mat x 3.

joy burger. celetná 988/38. 
bra buger! enda bedre fries!

pasta fresca. celetná 11.
skikkelig fancy italiensk restaurant! har ein heil masse bra pasta og i tillegg fersk sjømat. og det beste: billig! fikk sjukt god middag + eit glas vin til 50 norske kroner. elskar det.

las adelitas. malé námestí 13. 
ekte meksikansk, stor meny og SÅ masse godt. fine fliser på veggane og bra mojito. 

prague/olympus.

7.05.15
4 reise, tips og triks
_

Den ultimate interrail-pakkelista.

.

det beste eg veit ca er jo lister, så denne slepp de ikkje utanom: alt eg har erfart er praktisk/nødvendig å ha med på ein 15-dagers tur i éi lang liste!

til å begynne med:
– ein bra sekk! (rundt 70 liter.) noko av det aller viktigaste. det nyttar ikkje med bag eller trillekoffert på interrail, ein skal bære så sjukt mykje og ofte.
– ein dagstursekk med plass til vatn, solkrem, ei bok, litt mat og andre småting.
– ei lita «veske»(eller belte) til å ha pass, mobil og pengar i. kan puttast under t-skjorta for å vere heilt heilt trygg. eg hadde denne.
– kamera! eg tok med både dyr speilrefleks og analogt kamera. nokon seier det er for risky – men det gikk over all forventning bra. (hugs lader, ekstra batteri, ekstra minnekort.)

kler:
– to par sko: gode joggesko og behagelige sandalar/småsko av noko slag.
– fem tskjorter(helst laustsittande, då blir dei mindre svette).
– tynn genser.
– varm genser(ja, det kan vere kaldt om sommaren òg, det er tross alt europa).
– éi dongeribukse og éi lett, luftig bukse.
– sju par sokkar og sju truser – då kan ein ta ein vaskedag etter typ ei veke.
– bikini/badebukse.
– ein kjole som kan pyntast opp(eller ned).
– shorts/skjørt.

berle jula ´14.
viktige greier:
– adresser/nummer til norske ambassadar – både på telefonen og i ei notatbok eller liknande. i tilfelle alt går gale.
– reiseforsikring!!!
– europeisk helsetrygdkort. kan bestillast her.
– reisedokument som flybillettar og sjølve interrailbilletten – gjerne i ei beskyttande plastmappe.
– pass som ikkje går ut på i alle fall eit halvt år.
– både kontantar og kort – gjerne kredittkort.
– aller helst smarttelefon, er ganske så nødvendig å ha tilgang til google maps/tripadvisor/interrail-appen. (hugs lader!)

.

alt anna/kjekt å ha:
– microfiberhandkle.
– lakenpose med putetrekk.
– regnponcho! gull verdt.
– wirelås.
– skrivebok, penn/blyant, saks, tape og limstift.
– multibestikk/spork – då kan du når som helst kjøpe med billig mat og ete lunsj på ein benk eller i parken.
– lommekniv med kniv, skrujern, flaskeopner og denslags.
– øyrepluggar! spesielt bra om du sover på sovesal eller bur i eit bråkete strøk.
– antibac og våtserviettar! ofte går toga tomme for vatn til å vaske seg i på toaletta, og då er det greit å kunne føle seg – om ikkje rein – så litt mindre skitten.
– vaskemiddel.
– toalettsaker: deodorant, shampo/dusjsåpe(dette kan jo såklart kjøpast på vegen òg), reisesyketabelett, smertestillande, allergitablettar, nasespray, mageregulerande, eventuelt myggspray. (og tannkost + tannkrem, såklart.)
– oppblåsbar nakkepute.
– solkrem (faktor 20 er nok) og solbriller.
– masse posar. (til skitne kler, for å beskytte mot fukt/væte, til å ha mat/søppel i o.l.)
– førstehjelpsutstyr(kjøp noko liknande dette på ebay f.eks.)
– ei milelang spotifyliste klar til å spelast av i offline-mode.
– guidebok, om ein ser seg bruk i noko sånt. evnt. lommeparlør.
– nål og tråd.
– gaffateip.
– ein rull toalettpapir!
– kortstokk/travelscrabble/togunderhaldning.
– bøker! helst pocketbøker som kan hivast/byttast vekk undervegs.
– lommelykt/leselys.

og sist men ikkje minst: ein reisevenn du ikkje blir lei av dei første to døgna. så, kva ville de hatt med på tur? har eg gløymt noko megaviktig?

on our way.

6.08.14
9 reise, tips og triks
_

Om (alternative) julegåver.

det nærmar seg skummelt mykje jul, og om det fins nokon som er like treige med julegåvene som meg, så håpar eg denne lista kan hjelpe litt!

 

kokebøker basert på personlighet/behov.
har du ei venninne som er vegetarianer? ein kompis som ét litt i overkant mykje ferdigmat og klagar på at skikkelig mat tar så lang tid å lage? eller trenger foreldrene dine rett og slett nokre nye middagsidear? bruk til dømes blurb.com eller cewe fotobok hos japanphoto og lag dine eigne kokebøker som er gjennomtenkte og direkte speglar mottakaren sine aktuelle behov. «lån» oppskrifter frå internett og andre kokebøker, men lag gjerne din eigen vesle vri på dei. gi vekk saman med eit knippe småposar krydder, eventuelt kjøkenutstyr som han eller ho manglar for å få gjennomført matlaginga.

kinobillettar/opplevingar. 
altså, kino er alltid ein bra ting. om du enten bestiller to billettar slik at det blir noko de kan gjer saman, eller om du berre gir eit gåvekort på eit par-tre kinofilmar. dei aller fleste har vel ein eller annan film dei i utgangspunktet tenkte å sjå på kino, men aldri tok seg tid til? og så er det jo så fint å gi opplevingar i staden for ting som berre blir liggande å ta opp plass! kan óg vere billettar til museum eller andre kulturelle greier, eller berre «gåvekort» på ting de kan gjer saman.

reise.
har alltid ønska meg ein spontantur til jul, og no når det fins så mykje billige både fly- og togbillettar er det lettare enn nokon gong! det trenger med andre ord verken vere dyrt eller tidkrevande å ta med seg mamma, vennar eller kjærasten på ei langhelg ein gong ut i januar, når livet heime er kaldt og einsformig.

prague/olympus.

vin! (++)
legg ved oppskrifter på matrettar som passar perfekt saman med akkurat den flaska(høyr med betjeninga på vinmonopolet! dei veit som oftast kva dei pratar om), eventuelt eit gåvekort på ein middagsdate der du sjølv står for alt anna enn vin. slik blir vinflaska meir noko de kan nyte saman, og ved å kombinere det med eit måltid unngår ein heile greia med å berre drikke for å drikke.

plantesamlingar/blomsterpotter.
som i ein to tre kaktusar i nokonlunde same størrelse og stil! dei fleste har godt av å ha litt grønt i heimen, og spesielt kaktusar er ca det enklaste i verda å ta vare på. hugs at plantar ikkje nødvendigvis trenger å vere ei sommarhalvår-greie, ein treng det gjerne meir på vinteren når alt anna er grått og trist. ein kan òg kjøpe ei samling blomsterpotter(granit på schous plass/frognerveien har mykje fint) som eit hint til kva han eller ho kanskje burde spandere på seg når januarlønninga kjem.

.

netflix/spotify-abonnement.
spar til februar for noko litt ekstra mens ein ventar på våren, eller bruk romjula til å sjå alt som helst som minnar om jul og eit fantastisk bra nytt år.

frukostblanding/granola.
ta utgangspunkt i enkle oppskrifter, som denne eller denne, og lag ei blanding med alle dei beste nøttene, frøa og tørka frukta du kan finne. tørk epler, bananer og anna bra frukt i steikeomnen og ha i. fyll gjennomsiktige callofanposar eller glas med lufttett lok og knyt silkeband rundt.

prague.

bøker.
greit, ikkje den mest innovative i déen, men, bøker = bra. enkeltbøker, heile seriar eller samlingar. finn på sjølv: bøker perfekte for kalde januarkveldar. bøker som gjer vondt på ein bra måte. bøker i same farge, om same tema, bøker på nynorsk, engelsk, tjukke bøker, tynne bøker, pocketbøker, innbundne bøker. hugs at det fins ei bok for alt, og hugs at bøker er billigbillig på loppemarknad/bruktbutikkar.

heimelaga snop!
her er det mange mogelegheiter: brente mandlar, trøflar, karamellar, kanelmandlar, havrekjeks, julekaker, marsipankuler, peanøttbitar og lista er uendeleg. putt i syltetøyglas eller store lufttette glas som ein finner på ikea/clas ohlson. mal gjerne loket i ein fin farge(pastell) eller i svart tavlefarge slik at ein kan skrive på. knyt ei sløyfe på og så trenger det såvidt innpakning.

paris.

samlingar.
gå på ein brukthandel og finn fine samlingar med spennande fat, bestikk, glas, vasar og kva enn anna som det fins meir enn eitt eksemplar av. ikkje begrens deg til at alt skal vere identisk, men finn noko i nokonlunde same stilen, typ små fat med blomster på, boksar som kan stablast, gaflar med lange tindar og pene handtak(om du finner tak i sølvskeier så blir dei som nye etter ei runde med litt sølvpuss) eller grøne eller blå glasflasker(perfekte vasar) i ulike størelsar.

ramm inn. 
finn gamle rammer på bruktbutikk og ramm inn sånt som betyr noko: bileter av eit fint minne de har saman, bilete av noko han/ho elskar(heimstad, familie e.l.), sitat frå eit forbilde/favorittsang/favorittfilm, pressa blomster, noko du har malt eller teikna, vinylplate, avisutklipp, mønster, notar, konsertbillett, utklipp frå atlas/kart, bileter av blomster, dyr, planetar – altså, kva kan ein ikkje ramme inn? her gjelder det å vere kreativ!

strikk!
om du kan strikke/hekle har du ein megastor fordel no når det nærmar seg jul. kven vil ikkje ha varme ullsokkar, skjerf og ulltepper? eller heimehekla grytelappar i fine mønster som kan erstatte dei utslitne frå ikea? om du er flink nok og har eit eller fleire born i slekta som òg skal ha gåver, kan du til og med strikke kosedyr! (til attenårsdagen min fekk eg ein strikka slange av min bror på 13. fint.)

eller sy:
sminkepung, pennal, pengepung, forkle, handlenett, putevar, sengeteppe, gardiner, duk, eit enkelt skjørt og berre fantasien set grenser. billig stoff fins på ebay og – om du bur i oslo – stoffbutikkane på grønland.

påske.

kjøp kler brukt og fiks det opp.
har du ei venninne som så lenge du kan hugse har ønska seg ei skikkelig retro, klorbleika dongerijakke med naglar? null problem. kjøp ei brukt dongerijakke og gjer ein ettermiddag ut av det. kjøp klor, naglar og leik deg fram til noko badass og heilt unikt av eit plagg! ellers er dip dye og tie dye spennande metodar å teste ut, og resultatet kan bli skikkelig kult og uventa. eller så kan ein prøve seg på dette:

putevar.
altså, ein kvar sofa stiger i verdi med antall puter. tenk spennande nyansar som du veit kjem til å passe perfekt inn i stova til den heldige mottakaren, kjøp inn tekstilfarge på panduro og go for it.

 

paris day one.
sånt til å ha på veggen/i vindauget.
lyslenker, pompomrekker(i papir eller laga av ulltråd), vimplar(i stoff eller papir), bannerar/girlander av diverse slag. det fins ein heil masse butikkar på etsy som selger sånt fint noko! no er det kanskje i seinaste laget å bestille derifrå, så lag heller sjølv! for inspirasjon, sjå likevel her, her, her.

ting som er forbruksvare men likevel kjekt å få:
te, filmrullar, eksklusive nøtter, bra pesto/honning/syltetøy, mørk sjokolade, skrivebøker, pennar osv.

 

pakk inn i gråpapir, avispapir, sider frå gamle bøker og bruk pene silkeband, remser med blonder, eller enkel brun/kvit tråd. klipp ut merkelappar i papp og lim/stemple på noko fint på baksida og tada! så har du rimelig unike julegåver, og så slepp dei fine i livet ditt å få fem posar av det same julesnopet og sokkar frå ein kjedebutikk i år igjen.

 

15.12.13
6 tips og triks
_

oslotips: loppemarknad.

hausten(og våren, for så vidt) i oslo er typisk loppemarknadsesong, og spesielt som fattig student(eller ikkje-student) er det greit å kunne finne masse bra for ein billig penge. super stad å kjøpe brukte bøker, kler og møblar, eventuelt nokre koppar og fat eller kanskje litt julepynt. (sist fikk eg tak i fem bøker, eit fat, tre genserar, ei tskjorte, ei skjorte og ein kjole for 200 kr. ganske så fornøgd!) oversikt over kommande marknadar finn ein her(i oslo) og her(oslo ++), og så er det berre å samle saman alle småpengane ein har liggande og ta med eit handlenett eller tre. god jakt!

loppemarknad.loppemarknad.

17.09.13
4 tips og triks
_

korleis sy ein kjole.

dette er den første gjer det sjølv-posten her på bloggen!

tenkte eg skulle vise korleis ein ganske lett kan sy seg ein heilt enkel kjole – superkomfortabel og veldig allsidig. du trenger: symaskin, stoff(til denne typen kjole likar eg å bruke tynt bomullstoff. eg kjøper mitt her, hundre kroner for to meter ca. søk på «cotton tshirt fabric» for akkurat same type stoff som eg brukar her), tråd i same farge som stoffet, strikk som er 1-2 cm i breidda, strykejern, ein topp du likar passforma på og småting som knappenåler, blyant til å streke rundt stoffet med, saks og måleband. eventuelt ting å pynte kjolen med: naglar, blonder(fin butikk her), knappar og liknande. (alle bileta i innlegget kan sjåast større på flickr, berre trykk på dei.)

IMG_9215

okei, steg éin: brett stoffet i to og finn fram ein heilt enkel topp du likar fasongen på, dette skal bli overdelen. brett òg toppen i to og legg den med bretten mot bretten på stoffet. sett i eit par knappenåler for å halde dei saman. etterpå strekar du rundt kanten på toppen, helst med ein blyant/kritt som er berekna på stoff, så får du det lett vekk etterpå. det skal bli sjåande ut som på biletet til høgre(dei svarte strekane er teikna på i photoshop, det raude krittet blei usynlig på bilder). la oss sei at dette er bakstykket. gjer akkurat det same ein gong til, berre at det no skal bli eit framstykke. pass på at stoffet ikkje flyttar på seg og klipp ca ein centimeter utanfor strekane, dette skal seinare brettast inn. klipp framstykket så nedringa du vil, sjølv likar eg at kanten er litt høgt oppe.

IMG_9226

steg to: dette er for så vidt eit valfritt steg, men eg likar å gjer det slik fordi eg då kan tilpasse allting perfekt; pin saman fram- og bakstykket etter strekane og prøv toppen forsiktig på. det som er så fint med dette stoffet er at det har såpass mykje stretch at ein ikkje trenger glidelås og sånt styr. sett nåler der du må ta inn/forandre. hugs at ein liten centimeter av kanten skal brettast inn og syast. klipp og tilpass sånn at toppen passar akkurat slik du vil. sjå for deg at du skal sy på eit skjørt i midja òg, så toppen må vere i alle fall eit par-tre centimeter lenger enn det.

IMG_9294-2

steg tre: finn fram strykejernet og stryk inn kanten i sida, i nakken og på brystet og fest med nåler. så: til symaskina! bruk enkeltsøm og sy ca ein halv centimeter frå kanten langs det nedbretta stoffet. pin etterpå fram- og bakstykket saman i eine sida(pass på å sy langs streken du teikna heilt i begynnelsen, eventuelt der du har merka av seinare) og sy dei saman. vi ventar med andre sida til skjørtet òg er sydd på.

IMG_9269

steg fire: skjørtet! no skal vi bruke ein masse stoff for å få litt volum i skjørtet. finn fram strikket og mål det rundt midja for å finne ut kor mykje du trenger. eg likar at det er litt romslig, då kan eg heller fintilpasse det seinare. her har eg brukt eit strikk på ca 80 cm til å begynne med. spre stoffet utover golvet og teikn ein rett strek 5-10 cm frå kanten. pass på at stykket med stoff er både vidt og breiddt nok. fest strikket med ei nål eller to heilt i eine enden sånn at begynnelsen blir litt lettare. så til det som er pittelitt tricky; å sy på strikket. vi skal nemleg dra strikket mot oss mens vi syr det fast på stoffet. bruk ein vid sikksakksaum for å feste det litt betre enn med enkelsaum. det er greit å prøve seg fram med eit lite stykke stoff og strikk først, for å få det skikkelig til. sidan eg likar litt volum på skjørtet, dreg eg i strikken så mykje som mogeleg, men om du ikkje vil ha like mykje stoff i skjørtet treng du ikkje dra så hardt. det skal bli sjåande ut som på bileta nedanfor.

IMG_9299

steg fem: no skal vi finne ut kor langt skjørtet skal vere. dette er òg heilt opp til deg, denne kjolen kan fungere som maxikjole òg, vil eg tru. bruk eit måleband og mål frå midja og så langt nedover som du vil ha det. eg likar mine mine kjolar ca femten centimeter over kneet. mål frå strikket og nedover skjørtet og merk av der du skal klippe. hugs å la det vere 1-2 cm ekstra stoff nederst slik at ein kan brette opp og sy ein kant. fest kanten med knappenåler og sy med enkeltsaum som før.

IMG_9328

steg seks: snart ferdige! no skal berre toppen og skjørtet syast saman og kjolen lukkast i sida. merk av på vranga av toppen kvar skjørtet skal sitte fast, eg synes det er penast i midja, men igjen, du kan bestemme sjølv. fest toppen til skjørtet med knappenåler i strikket. hugs å ha innsida ut slik at vi får alle saumane inn på den ferdige kjolen. det er ikkje så nøye om toppen er litt smalare enn strikket på skjørtet, dette kan du klippe til. sy langs den øvste kanten på strikket. vreng så heile kjolen og pin saman sida som er open. sy langs heile sida. hugs òg å sy saman over skuldrane, om du enda ikkje har gjort det.

step six.

og voilá, du har ein ny kjole! klipp av småtrådar og overflødig stoff, rydd knappenålene opp frå golvet og finn fram ullstrømpebuksa, og du er good to go. (min kjole blei sjåande ca sånnher ut:)

diy: dress.diy: dress.

om det var noko de ikkje skjønte eller eg gløymte å nemne, sei i frå! veit dette blei sjukt langt, men har av erfaring merka at det er betre å forklare for mykje enn for lite. og kva trur de, vil de ha meir sånther?

13.11.12
20 tips og triks
_

Follow and Like: